Khutbah I
الحمد لله ثم الحمد لله الحمد حمدا يوافي نعمه ويكافئ مزيده، يا ربنا لك الحمد كما ينبغي لجلال وجهك ولعظيم سلطانك، سبحانك اللهم لا أحصي ثناءا عليك أنت كما أثنيت على نفسك، واشهد أن لا إله إلا الله وحده لا شريك له، وأشهد أن سيدنا ونبينا محمد عبده ورسوله وصفيه وخليله خير نبي أرسله، أرسله الله إلى العالم كله بشيرا ونذيرا اللهم صل وسلم وبارك على سيدنا محمد وعلى آل سيدنا محمد صلاة وسلاما دائمين متلازمين إلى يوم الدين، وأوصيكم أيها المسلمون ونفسي المذنبة بتقوى الله تعالى.
أما بعد، فيا عباد الله:
Hadirin, jamaah saq temuliean siq de side Allah Swt…
Tiang pelungguh sami, selapuq te niki bdoe biwih saq mampu ngucap kalimat “asyhadu anla ilaha illallah wa asyhadu anna muhammadar rasulullah” dait aten te bdoe kekuatan, bau yakin lamun ndeq araq kuase siq mampu berebeng sengsare dait bahagie kecuali tebeng izin isiq Allah, maka tetu-tetu sanget isiq te pade aseq lamun te ndeqman tekican ngerasayan cinte dait takut tipaq Allah Swt.
Leq kesempatan jum’at saq semangkinan niki, mari te beriuk bertadabbur, ngumbe anteq angen tiang pelungguh sami niki tepenoqan isiq rase cinte tipaq Allah Swt., sengenoan juaq anteq te pade ngerasayan nikmat wajah siq gembire sebab angen te saq bekembang-kembang timaqne lueq gati masalah saq ngehadang.
Hadirin, mamiq-mamiq tiang, jamaah saq tehormatin siq de side Allah Swt
Napi hal saq harus te pade gaweq anteqne rase cinte dait takut nike hadir leq angente masing-masing?
Syekh Said Ramadhan al-Buthi sampun bebase,
إذا تذكرت فضل الله عليك فاض قلبك حبا لله سبحانه وتعالى، وإذا تذكرت موقفك بين يديه، وأنت مقبل عليها ما في بالك ريب ليمتلئ فؤادك خشية من الله تعالى.
Artine: “Lamun te pade inget leq Allah Swt, siq sampun ngicanin karunia dait nikmat tipaq tiang pelungguh sami, entahsaq siq te pade endeng maupun ndeq, maka tetu-tetu angen te gen penoq isiq rase cinte jok nie. Sengenoan juaq, apakah pantes ite pade mauq selapuqne no, sedangkan ite mesaq taoq kualitas diriq te pade. Lueq gati dose salaq saq sampun te pade gaweq, leq setiep dose nike gen te pade teendengan pertanggungjawaban leq akhirat. Pasti ntan te gen ngerasayan takut leq hadepan Allah Swt.”
Perjalanan ruhani manusie nike harus ne ngadu due nae: 1) nae saq tesebut isiq cinte jok Allah Swt, 2) nae saq tesebut isiq takut jok Allah. Lamun angen sampun cinte tipaq Allah Swt laguq ndeqne tekancean isiq takut, maka ndeqn bau sampe tujuan. Sengenoan juaq, lamun angen ngerasayan takut doang laguq ndeq araq perasaanne cinte, maka genne teriq tipaq jurang keputusasaan. Ye percume.
Hadirin jama’ah sholat jum’at rahimakumullah..
Oneq, leq jelo saq kelemaq, Allah Swt sampun piaq tiang pelungguh sami tures, seolah-olah bengne ite bangkit leman mate saq seberaq. Allah beng ite anugrah kesempatan idup, maseh beng te pade berembok jelo niki, maseh berebeng nae siq mampu lekaq, ime siq bau beng te besuap, tolang bongkor saq kuase bengte tokol leq meje-meje begawean te. Sengenoan juaq siq sampun berebeng biwih siq te bekeloran dait ngeraos, kance lambung siq bau mencerna kakenan. Hal ne patut te pade syukuri.
Padahal ndih, Allah Swt nike ndeqne butuh leq ite pade, araq ato ndeq araq ite leq bawen dunie niki ndeqne bdoe pengaruh same sekali tipaq eksistensine Allah Swt. Lueq masi, dengan saq tures lekan penindoqan, ndeqne tao tokol bagus, sebab kene isiq penyakit kolestrol tinggi, kene struk sengaq tersumbat pembuluh daraqne, bahkan araq endah saq ngkahne tao bukaq penentengne sengaqne wah nggaqne engkah umurne.
Sekirene, lamun bos te berebeng tipaq ite pade hadiah, wajar aranne, sebab ye butuh leq tenage tiang pelungguh sami. Mauqne pade manfa’at leman pegawean ite. Laguq leq semangkinan niki, neneq te saq kuase sampun ngicanin napi juaq tipaq tiang pelungguh sami, tanpa ne ngendeng imbalan.
Ape masih perlu te miaq alesan anteq te ndeq cinte leq Allah Swt?
Kanak kodeq saq nganggep inaqne ndeq sayang tipaq dirikne, kanggo te maklumi, sengaq aranne doang ye masi berik, akalne ndeqne man sempurne. Padahal lamun te indeng, ndeqnaraq inaq saq ndeq sayang leq buaq angenne. Laguq pas te wah pade bajang, ye anteq te tao mikir secare mateng, ndeqte bau ngerasayan sayang Allah Swt tipaq ite pade, maka patutne tepertanyakan, akal te pade. Mungkin araq saq peleh.
Baca Juga:
Khutbah Jumat: Kunci Kebahagiaan Sejati di Dunia dan Akhirat
Hadirin Jama’ah sholat jum’at rahimakuullah..
Lamun perasaan cinte wah sampun araq leq dalem angente, maka waktunte sadar diriq, Apakah nikmat no ye pantes tebeng tipaq ite, sedangkan leman kelemaq, leman rubin, leman seminggu saq wah liwat bahkan betaun-taun, jelo-jelo te masih penoq gaweq maksiat.
Padahal maksiat no jakne tepertanggungjawaban, mulai te bukaq penentengte sampe te tidem malik genne teketwanan leq hadapan Allah Swt.
Hadirin, tiang iraq tipaq diri tiang sendiri dait pelungguh sami adeqne memejamkan penentengne seberaq, anteq te inget malik inget napi juaq saq sampun te gaweq.
Rubin laiq, seendeqman te tindoq, dilah kamar te sampunne mate, kamar te berubah jari peteng, leq saat no ndeq araq suare malik, sengak selapuqne wah pade pedem. Sekirene leq waktu no malaikat maut dateng betemue tipaq kamar, rase nyet mulaine kerase lekan nae te, lampaq sampe atas ime te, sebab leq sopoq riwayat ye lingne tejelasan. Bahkan sampe selapuq anggote badante ne ngkahne berfungsi maraq biase. Cobaq te bayangin, ngumbe perasaan te leq waktu nike.
Sesuai dait ape saq siqn bahasean isiq Allah Swt. leq dalem Al-Qur’an,
وجاء سكرة الموت بالحق ذالك ما كنت منه تحيد
Artine: “Kemudian, tibe-tibe dateng sakratul maut no dengan setetu-tetune. Saq maraq ngenolah saq gen side pade hindari laeq.” (QS. Qaf: 19)
Leq waktu nyawe te teangkat, ite pade masih mampu nyerioqan awak te niki lemes, maraq pas te takziyah leq semeton te saq Islam. Setelah no, baruqne teangkat, temandiqan daitne tejauq kadu kerombatan.
Inget, leq kenyengke te lepas jenazah semeton te leq kuburne, mue saq penentengne wah nutup, leq saat te tumput ye leq loang saq wah te keduk bareng-bareng, leq saat no, jenazah nike ye mesaq-mesaqne leq kubur. Kepengne saq penoq engkahne bedoe gune, tanaq saq galuh engkahne berebeng manfa’at. Leq saat no endah jaqne tanggung segale macem perbuatan saq sampunne gaweq leq dunie. Lamunne gaweq saq bagus, maka bagus jakne dait. Sengenoan juaq lamunne gaweq saq lenge.
Oleh sebab no, masih perlu te takut tipaq Allah Swt?
Hadirin jamaah sholat jum’at rahimakumullah..
Leq waktune perasaan takut wah sampun mendarah-daging leq irup te, pasti te gen jaga diri anteqne ndaq sampe terik tipaq lembah dose salaq. Leq waktun te inget tipaq segala macem nikmat dait ngumbe sayangne Allah Swt tipaq ite pade, maka genne beromboq semanget ibadah te tipaq nie.
بارك الله لي ولكم في القرآن العظيم ونفعني وإياكم بما فيه من الآيات والذكر الحكيم، وتقبل مني ومنكم تلاوته إنه هو السميع العليم فاستغفروه إنه هو الغفور الرحيم
Khutbah II
الحمد لله حمدا كثيرا كما أمر، وأشهد أن لا اله اله إلا الله وحده لا شريك له إرغاما لمن جحد به وكفر، وأشهد أن محمدا عبده ورسوله سيد الخلائق والبشر. اللهم صل وسلم وبارك على سيدنا محمد وعلى آله وأصحابه ومن تبعهم بإحسان إلى يوم المحشر. أما بعد.
فيا أيها الحاضرون أوصيكم ونفسي بتقوى الله فقد فاز المتقون، وافعلوا الخيرات واجتنبوا عن السيئات.
واعلموا أن الله أمركم بأمر بدأ فيه بنفسه وثنّا بملائكته المسبّحة بقدسه، فقال الله تعالى في كتابه الكريم أعوذ بالله من الشيطان الرجيم بسم الله الرحمن الرحيم، إن الله وملائكته يصلون على النبي يا أيها الذين آمنوا صلوا عليه وسلموا تسليما، اللهم صل وسلم على سيدنا محمد وعلى آله وصحبه أجمعين وعلى التابعين وتابعي التابعين ومن تبعهم بإحسان إلى يوم الدين برحمتك يا أرحم الراحمين
اللهم اغفر للمسلمين والمسلمات والمؤمنين والمؤمنات الأحياء منهم والأموات إنك سميع قريب مجيب الدعوات ويا قاضى الحاجات
اللهمّ ادْفعْ عنّا اْلبلاء والوباء والزّلازل والمحن وسوء الفتنة والمحن ما ظهر منها وما بطن عن بلدنا اندونيسيَّا خآصّة وبلدان المسلمين وسائر البلدان عامة يا رب العالمين. اللهم أصلح لنا ديننا الذي هوعصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم اجعل الحياة زيادة لنا في كل خير واجعل الموت راحة لنا من كل شر.
اللهم أصلح أئمتنا وولاة أمورنا، وآمنّا في أوطاننا ودورنا وبلّغنا مما يرضيك آمالَنا واختم بالباقيات الصالحات أعمالنا، اللهم احفَظ بلادَنا إندونيسيا من كل سوء ومكروه، وأدم علينا الأمن والاستقرار، وجنبنا جميعا كل ما يؤدي إلى تباعد القلوب وتباغُضها، اللهم اجمع كلمتنا على الحق، واطفئ مشاعل الفتنة، وسد مسارب الفوضى، واجعلنا صفا واحدا على كل من أراد الشر لبلادنا يا أرحم الراحمين
Ya Allah ya Tuhan kami, kicanin tipaq ite selapuq, pemimpin saq rapet kance pelungguh de, saq pelungguh de ridhoi dait sayang tipaq ite selapuq,
Kicanin ite pade kemudahan leq napi juaq saq siq tecita-citakan,
Ya Allah, kicanin ite pade jari manusie saq senantiasa berbakti tipaq dengan toaq,
Ya Allah, pesopoq tekad ite pade anteqte lekaq leq jalan pelungguh de. Bengne pedaq bare api kebencian saq jari sumber petaka,
Dait beng ite pade ngembilinian dalam keadaan kemos, leq waktu te menghadep tipaq pelungguh de,
ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب، ربنا أتنا فى الدنيا حسنة وفى الأخرة حسنة وقنا عذاب النار
عباد الله إن الله يأمر بالعدل والإحسان وإيتاء ذى القربى وينهى عن الفحشاء والمنكر يعذكم لعلكم تذكرون فاذكروا الله يذكركم واشكروا على نعمه يشكركم ولذكر الله أكبر
Kolumnis: Muhaimin Yasin, Semester IV
Editor: Dalimah NH
