Khutbah Jumat Bahasa Banjar: Bagaimana Agar Hati Pian Penuh Lawan Rasa Cinta Lawan Allah Swt
Khutbah I
الحمد لله ثم الحمد لله الحمد حمدا يوافي نعمه ويكافئ مزيده، يا ربنا لك الحمد كما ينبغي لجلال وجهك ولعظيم سلطانك، سبحانك اللهم لا أحصي ثناءا عليك أنت كما أثنيت على نفسك، واشهد أن لا إله إلا الله وحده لا شريك له، وأشهد أن سيدنا ونبينا محمد عبده ورسوله وصفيه وخليله خير نبي أرسله، أرسله الله إلى العالم كله بشيرا ونذيرا اللهم صل وسلم وبارك على سيدنا محمد وعلى آل سيدنا محمد صلاة وسلاما دائمين متلازمين إلى يوم الدين، وأوصيكم أيها المسلمون ونفسي المذنبة بتقوى الله تعالى
أما بعد، فيا عباد الله
Hadirin nang dimulia akan Allah Swt
Antum sabarataan nang muntungnya menyambat akan kalimat asyhadu anla ilaha illallah wa asyhadu anna muhammadar rasulullah wan hatinya mayakini bahwa kadak ada nang hingkat menyedih akan atau membahagia akan kita kacuali atas izin Allah Swt, bujur sangat menyedih akan amun hatinya masih balum marasa akan manisnya rasa cinta sakaligus takutan lawan Allah Swt.
Pada mimbar jum’at kali ini mari kita bertadabbur, bagaimana agar hati kita dipanuhi rasa cinta lawan Allah Swt sakaligus rasa takutan lawan Allah Swt. Wan kita merasa akan nikmat wajah nang barsari karena hati kita senantiasa berbunga oleh segala nang kita hadapi.
Hadirin rahimakumullah..
Apa nang harus kita lakukan agar rasa cinta wan takutan itu hadir intang hati kita?
Syekh Said Ramadhan al-Buthi mengajar akan kepada kita lewat panderannya nang ringkas:
إذا تذكرت فضل الله عليك فاض قلبك حبا لله سبحانه وتعالى، وإذا تذكرت موقفك بين يديه، وأنت مقبل عليها ما في بالك ريب ليمتلئ فؤادك خشية من الله تعالى
Amun kita mangingat bahwa Allah Swt nang mambari akan karunia wan nikmatnya lawan kita, baik kita minta ataupun kadak kita pinta, maka pasti hati kita dipanuhi cinta lawan-Nya. Wan amun kita marasa apakah kita pantas mandapat akan itu sabarataan sedangkan kita nang paling tau kedaaan kita, betapa banyak dosa nang kita lakukan, wan setiap nang kita lakukan harus kita pertanggung jawab akan kahinak intang akhirat, kadak ada keraguan hati kita pasti diliputi rasa takutan lawan Allah Swt.
Wan perjalanan spiritual manusia harus ditempuh lawan “dua batis” yaitu perasaan cinta wan takutan lawan Allah Swt. Amun hati cinta lawan Allah Swt kadak dikawani rasa takutan manusia kadak akan sampai, wan amun hanya dipenuhi rasa takutan tapi kadak ada cinta intang hatinya maka sidin akan berhenti intang jurang keputus asaan.
Baca Juga:
Hadirin bubuhan ulun seiman..
Tadi pagi imbah Allah Swt membangun akan kita dari kematian nang samantara. Allah Swt masih membari kita kesempatan sagen hidup, masih memperkenan akan kita sagen menghirup udara hari ini, masih membari akan kita batis nang hingkat melangkah, tangan nang hingkat menyuap muntung kita, tulang punggung nang hingkat menjadi akan kita duduk intang meja-meja gawi kita, maka lawan nya duduk kita hingkat tegak. Membari akan muntung nang dengannya kita hingkat bepander, mangunyah makanan, lambung nang masih hingkat mencerna makanan lawan baik.
Padahal Allah Swt kadak butuh lawan kita, ada kadak adanya kita intang dunia ini kadak berpengaruh lawan Allah Swt sama sekali. Beberapa orang nang amun bangun kehilangan tenaga sagen duduk lawan tegak karena kolestrolnya melebihi kapasitas awaknya, sehingga tasumbat pembulu darahnya sehingga sidin terkena struk, bahkan banyak diantara bubuhan-bubuhan kita seislam nang Allah Swt tutup matanya selama lamanya. Tapi karena Allah Swt sayang lawan kita. Intang waktu nang mustajab ini Allah Swt masih memberi akan kita kesempatan sagen berkumpul intang masjid ini, mendengar suara takbir Kembali wan insyallah akan menyelesai akan rangkaian ibadah shalat jum’at hari ini.
Amun juragan atau bos kita membari akan kita reward wan hadiah, adalah hal nang wajar karena mereka butuh lawan kinerja kita. Mereka mendapat akan manfaat akan kerja keras kita. Tapi saat ini dzat nang Maha Esa itu memberi akan sebarataannya lawan kita tanpa mainta imbalan dari kita.
Masih perlukah lagi alasan kita sagen kadak mencintai-Nya?
Anak balita nang merasa bahwa ibunya kadak sayang lawannya, mungkin masih hingkat kita maklumi, karena anak halui akalnya belum hingkat menalar lawan benar, padahal kadak ada ibu nang kadak sayang lawan darah dagingnya. Akan tetapi kita nang sudah dewasa nang sudah hingkat berfikir lawan jernih wan benar, amun masih kadak mampu merasa akan sayangnya Allah Swt lawan kita, sehingga hati kita kadak cinta lawannya.
Mungkin ada nang salah dalam pikiran wan hati kita.
Hadirin rahimakumullah..
Amun rasa cinta itu sudah ada intang hati kita, saatnya kita tahu diri. Apakah nikmat itu pantas dibari akan lawan kita, sedangkan dari tadi pagi, kemarin, seminggu bahkan setahun nang lalu hari-hari kita dipenuhi maksiat lawan-Nya.
Padahal maksiat kita akan kita pertanggung jawab akan, mulai dari pertama kali mata kita terpejam sagen selama-lamanya.
Hadirin ulun mengajak hadirin untuk satumat memejam akan mata, mari amun ingat kembali.
Tadi malam sebelum kita guring, lampu kamar kita sudah mati kamar kita gelap. Saat itu sudah kadak ada suara karena semuanya sudah guring amun saat itu adalah saat Allah Swt mengutus malaikat mautnya sagen bertamu ke kamar kita, wan rasa dingin itu menjalar mulai dari ujung batis, karena dalam riwayat nyawa dicabut satumat-satumat dari ujung batis. Wan rasa dingin itu menjalar ke atas sampai kita kadak hingkat merasa akan lagi tangan kita, awak kita sudah kadak hingkat bergerak sesuai dengan keinginan kita. Muntung kita handak mainta tolong lawan nang ada intang samping kita tapi lidah kita kelu, wan rasa sakit saat ajal itu datang kadak hingkat kita sambat akan lawan muntung kita.
Hal ini sesuai lawan apa nang di firman akan Allah Swt dalam Al-Qur’an
(وجاء سكرة الموت بالحق ذالك ما كنت منه تحيد )
“Wan datanglah sakaratul maut lawan sebujur-bujurnya. Itulah nang dahulu handak pian hindari” (QS. Al-Qaf: 19)
Saat nyawa kita sudah terangkat, wan kita maitih awak kita terbujur lemas seperti saat kita melayat lawan amwatul muslimin. Lalu janazah itu diangkat, dimandi akan wan dibawa oleh bubuhan-bubuhan muslimin di keranda.
Ingat akan kita saat kita meletak akan jenazah bubuhan kita intang liang lahad, wajah nang matanya terpejam, saat kita timbun liang lahat nang imbah kita gali. Saat itu jenazah surangan intang lahat, uang nang dikumpul akan kadak hingkat diguna akan, tanah luas nang suah dibeli kadak dibutuh akan, jabatan tinggi nang suah di emban kadak bermanfaat. Saat itu sidin surangan. Wan sidin harus mempertanggung jawab akan setiap perbuatan semasa hidupnya. Amun kelakuannya baik alhamdulillah sidin menemu akan kenikmatan, tapi amun sebaliknya. Kurang menderita apalagi jika siksa kubur itu harus sidin tanggung surangan kadak ada nang hingkat menolongnya. Kurang pedih apa menjalani masa susah beratus-ratus tahun kadak hingkat sekedar membagi cerita. Wan kita lah nang paling tau tentang dosa nang suah kita lakukan, dosa nang kadak mungkin kita cerita akan bahkan kepada bubuhan terdekat kita.
Nang mungkin intang hati kita yakin bahwa bujur kita akan mempertanggung jawab akan dosa itu.
Masih perlukah alasan kita sagen kadak takutan kepada Allah Swt?
Hadirin jamaah sholat jum’at..
Saat takutan itu sudah mendarah daging dalam hidup kita, kita akan senantiasa menjaga agar kita kadak bulik gugur ke dalam lembah dosa. Wan saat kita mengingat akan seberataan nikmat wan betapa sayangnya Allah Swt lawan kita, akan bertambahlah semangat ibadah kita lawan-Nya.
بارك الله لي ولكم في القرآن العظيم ونفعني وإياكم بما فيه من الآيات والذكر الحكيم، وتقبل مني ومنكم تلاوته إنه هو السميع العليم فاستغفروه إنه هو الغفور الرحيم.
Khutbah II
الحمد لله حمدا كثيرا كما أمر، وأشهد أن لا اله اله إلا الله وحده لا شريك له إرغاما لمن جحد به وكفر، وأشهد أن محمدا عبده ورسوله سيد الخلائق والبشر. اللهم صل وسلم وبارك على سيدنا محمد وعلى آله وأصحابه ومن تبعهم بإحسان إلى يوم المحشر. أما بعد.
فيا أيها الحاضرون أوصيكم ونفسي بتقوى الله فقد فاز المتقون، وافعلوا الخيرات واجتنبوا عن السيئات.
واعلموا أن الله أمركم بأمر بدأ فيه بنفسه وثنّا بملائكته المسبّحة بقدسه، فقال الله تعالى في كتابه الكريم أعوذ بالله من الشيطان الرجيم بسم الله الرحمن الرحيم، إن الله وملائكته يصلون على النبي يا أيها الذين آمنوا صلوا عليه وسلموا تسليما، اللهم صل وسلم على سيدنا محمد وعلى آله وصحبه أجمعين وعلى التابعين وتابعي التابعين ومن تبعهم بإحسان إلى يوم الدين برحمتك يا أرحم الراحمين.
اللهم اغفر للمسلمين والمسلمات والمؤمنين والمؤمنات الأحياء منهم والأموات إنك سميع قريب مجيب الدعوات ويا قاضى الحاجات.
اللهمّ ادْفعْ عنّا اْلبلاء والوباء والزّلازل والمحن وسوء الفتنة والمحن ما ظهر منها وما بطن عن بلدنا اندونيسيَّا خآصّة وبلدان المسلمين وسائر البلدان عامة يا رب العالمين. اللهم أصلح لنا ديننا الذي هوعصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم اجعل الحياة زيادة لنا في كل خير واجعل الموت راحة لنا من كل شر.
اللهم أصلح أئمتنا وولاة أمورنا، وآمنّا في أوطاننا ودورنا وبلّغنا مما يرضيك آمالَنا واختم بالباقيات الصالحات أعمالنا، اللهم احفَظ بلادَنا إندونيسيا من كل سوء ومكروه، وأدم علينا الأمن والاستقرار، وجنبنا جميعا كل ما يؤدي إلى تباعد القلوب وتباغُضها، اللهم اجمع كلمتنا على الحق، واطفئ مشاعل الفتنة، وسد مسارب الفوضى، واجعلنا صفا واحدا على كل من أراد الشر لبلادنا يا أرحم الراحمين.
Ya Allah ya Tuhan Kami, barilah kami nikmat pemimpin nang dekat lawan-Mu, nang engkau ridhoi wan mereka sayang lawan kami
Sudilah kiranya tuan memudah akan kami menjawih apa nang kami cita-cita akan
Ya Allah, jadikanlah kami manusia-manusia nang senantiasa berbakti lawan orang tua kami
Ya Allah, persatukan tekad kami sagen berjalan intang kebenaran. Padamkan bara api kemuaran kancingilah sebarataan sumber petaka.
Wan mati akanlah kami dalam keadaan tesanyum bersiap menghadap mu, wan engkau ridho lawan kami ya Rabbi.
ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب، ربنا أتنا فى الدنيا حسنة وفى الأخرة حسنة وقنا عذاب النار.
عباد الله إن الله يأمر بالعدل والإحسان وإيتاء ذى القربى وينهى عن الفحشاء والمنكر يعذكم لعلكم تذكرون فاذكروا الله يذكركم واشكروا على نعمه يشكركم ولذكر الله أكبر
Kolumnis: Muhammad Wildan Saputra, Mahasantri Semester II
Editor: Dalimah NH
